【恭喜】何基佑報喜 父女產房首次相見很感動

ViuTV真人騷《超級奶爸》主持、38歲嘅何基佑11年娶咗模特兒老婆鍾凱瑩,兩人婚後育有3歲多囝囝何清義(Nathaniel),今年7月宣佈老婆為佢陀第二胎,佢哋仲話呢胎係囡囡,湊成好字,老婆生完可封肚。
話咁快,囡囡今日搶閘出世,奶爸何基佑即開心報喜,佢今日先短訊回覆傳媒:「老婆今朝11點入院,12點40分就瀡出嚟,成個過程好迅速,母女平安。囡囡個樣超似清義(長子),我睇到都毛管戙。」
何基佑已幫囡囡改名做何珊娜,英文名叫Sanna,佢話囡囡重2.8Kg,約6磅多。何基佑待老婆清醒推回病房,佢急不及待影相留念,Sanna躺在媽咪懷中,睡得香甜,Sanna樣子精靈,十分可愛。

(資料來源:網上截圖/連結)