竹內涼真搭上《陸王》拍檔 同居半年

25歲日本人氣男星竹內涼真去年被爆戀上奀星里里佳,戀情爆光後兩人已經分手,竹內涼真已另結新歡,對象係曾與佢合作拍《陸王》嘅27歲女星吉谷彩子。
據雜誌《Friday》報道,竹內涼真上月被拍到從位於東京嘅寓所步出然後上的士,無幾耐吉谷彩子就登上同一架的士離開,兩人前後腳離開顯得好小心。之後竹內去咗做Gym,女友就返回位於世田谷嘅寓所。
報道話竹內所住嘅高級寓所保安嚴密,兩人因合作《陸王》撻着,竹内一向熱愛足球,吉谷學生時代曾係短跑選手,因為有共同話題一拍即合。知情人士爆料指兩人展開同居生活已經半年,現年女方寓所只係擺放個人物品,當日吉谷返回寓所就係搬物品去竹內屋企,佢執一完嘢就搭的士會合竹內一齊返回男方寓所,吉谷之後亦數度被拍到於男友寓所出入。

(資料來源:網上截圖/連結)