汪明荃送贈大禮給至八會好姊妹

聖誕節係普天同慶日子,送禮開心,收禮更開心。
汪明荃(阿姐)、毛舜筠(毛姐)、鍾慧冰、鄭裕玲(Do姐)、林建明(大姐明)、曾華倩、江欣燕同朱慧珊嘅「至八會」,噚晚搞咗gathering,預祝聖誕兼新年,眾姊妹開心交換禮物,阿姐好有心思,一人送兩條紅底褲,等大家由內紅到外,佢哋仲拆開紅底褲拎住影相,一片紅噹噹。
鍾慧冰噚晚貼相facebook後留言:「至八會提早慶祝聖誕並賀新年,今夜大家都收到汪阿姐送出的『紅底底』,每人兩條,有圓點、有碎花、有鹿仔、有文字,太有心思了!最大得益者當然係大姐明,因為佢話家中底褲着晒,正處於真空期?至於我那條……已決定在新年那晚剪綵,嘻嘻!」
抽到印住Love字紅底褲嘅嘅曾華倩都喺fb話:「珍惜相聚的日子,雖然匆匆一聚,因為各人也忙。所以,今天的聚會又有禮物收。和MoMo(毛舜筠)出品的曲奇餅真的好好味。」江欣燕都話:「我的好友粒粒一姐,好難得今晚齊人。各人健康,快樂,幸福。」朱慧珊今日回覆傳媒時話:「噚晚好開心,我哋聖誕聚會,阿姐好搞笑,買咗紅底應節。」朱慧珊則同大家一齊玩美圖合照。

(資料來源:網上截圖/連結)