馬國明獲集氣推做視帝

 

藝人馬國明喺日前大結局嘅劇集《白色強人》入面飾演醫生,相當入型入格,網友發現原來佢本身係讀機械工程,都係專業人士嚟,咁點解會入行做演員呢?其實馬國明係獲第14期藝員訓練班取錄而入行,當年嘅同學仲有吳卓羲、黃子恆、葉暐等。呢日佢哋成班同學出嚟聚餐,葉暐就喺社交網分享同馬國明合照並留言:「今晚是我們《TVB第14期藝員訓練班聚餐》,難得相識 20年,大家還能保存着一份珍貴的友誼,實屬難得。同時也希望馬國明今年能夠得到視帝,為我們14期藝員訓練班爭光。」張大合照就唔見吳卓羲同黃子恆,而其他同學都似乎淡出咗幕前,網友都話要幫馬國明集氣,祝佢今年可以攞到視帝呀!