視后佘詩曼做MV女主角 陳奕迅得戚:我都入埋電視機

入行21年只拍過4首MV嘅佘詩曼,最近再次下海為陳奕迅(Eason)新歌《我們萬歲》MV擔任女主角,兩人扮演一對甜蜜嘅情人,Eason唔單止餵阿佘食粥,又吹氣球冧阿佘開心;而阿佘就用相機為Eason拍照,兩人又齊齊玩城堡模型,雖然只是初次合作,但表現得好有默契。
貴為視后嘅阿佘演技出色,拍攝後Eason都大讚:「佘詩曼畀我嘅感覺,係屬於電視機裏面嘅人物,依家好似我都入埋電視機,感覺好得意、好過癮!」呢個MV以第一身角度拍攝,透過男友同女友視角表達愛意,令觀眾睇得更加投入。MV最後才出現彩蛋,Eason同阿佘終於同框演出,齊齊坐在梳化上睇電視,感覺甜絲絲。

(資料來源:網上截圖/連結)