【荷李活好好先生】湯漢斯驚喜現身漢堡店 幫全場食客埋單


奧斯卡影帝湯漢斯(Tom Hanks)一向形象親民,被封為「荷李活好好先生」,最近好好先生又再出動,根據美國CBS電視台報導,佢上星期去到南加州嘅漢堡店In-N-Out食嘢,唔單止親切同認得出佢嘅人握手、影相,仲幫店內所有人埋單,提前請大家食聖誕午餐。
其實今次唔係第一次,湯漢斯一向親民,曾有粉絲當面話佢套戲唔好睇,佢無嬲之餘仲表示願意退返錢畀對方。又試過於自己Twitter貼出執到張學生證,想請對方認領。最有趣一次係於路邊幫助正在義賣餅乾嘅小女童軍,除咗自掏腰包買餅乾,仲叫人幫手買!
(資料來源:網上截圖/連結)