疑點重重!陳彥霖背景+失蹤過程整理

有連登網民就陳彥霖的離奇死亡作出整理:

單以全裸呢一點已經可以排除自殺可能
所以呢個post會以他殺方向調查

根據FB 陳彥霖應該係住元朗 曾就讀位於元朗既博愛醫院鄧佩瓊紀念中學 而家讀緊位於將軍澳既VTC轄下青年學院(15歲可能讀到中三輟學轉去讀?) 並且標示為戀愛中

有幾個post係關於示威活動

再睇番失蹤過程 佢係美孚最後岀現 並聲稱番緊屋企(元朗) 但因為不明原因番左去將軍澳學校campus 並且留低左電話身分證學生證

由此可以推斷 佢離開campus時只有兩種可能性 1.打算短暫離開 連電話都唔帶 2.離開並非岀於自願

再睇番campus既地理位置 佢位於將軍澳半山區既翠林邨 距離寶琳等市區都有一段距離 要用小巴岀入 而發現屍體地點為油塘魔鬼山對岀海面(唔肯定係咪大紅圈果個area 只係大概位置)

而將軍澳最接近海既地方為將軍澳站同康城之間海皮(小紅圈) 距離campus係有相當距離

做個小小總結

陳彥霖因為不明原因而無番屋企而去左將軍澳 並可能於非自願情況下離開campus 而落水位置可能位於將軍澳/康城 之後隨水流漂到油塘 落水時間方面未能肯定 但有可能並非於19日當日

要解開謎團 我建議有幾個突破點

1. 佢fb標示為戀愛中 係咪有男朋友? 佢男朋友有可能知道佢番學校既原因

2. 學校campus cctv會唔會見到佢係咩情況下離開?有咩人同佢一齊離開?

3. 鑒於campus地理位置 佢離開時好大機會係乘坐交通工具 如果佢唔係俾人夾上私家車 而係自己離開 咁佢好大機會係坐小巴/巴士去寶琳市區

BTW 唔係想吹查案風 請幫手推行動post 但係今次呢單真係有調查既必要 暫時未見到有證據證明佢曾經被捕 未必關popo事 但係點都好 幫同路人絲打搵番真相

 

Source: https://lihkg.com/thread/1645071/page/1