林志穎今年放棄再扮聖誕老人

台灣男星林志穎今日喺台北出席公開活動,提到今日平安夜,佢話舊年大仔Kimi聽啲同學仔講,話聖誕老人都係由父母扮,林志穎為咗o氹大仔,等佢嘅幻想唔好破滅,不惜着幾件羽絨扮聖誕老人,仲配合埋燈光送禮物,非常用心。
不過,被問到今年會唔會「添食」?林志穎就話:「今年不扮了。」仲話自己已經預備好禮物俾3個寶貝仔,包括Kimi希望收到嘅遊戲卡、大孖Jenson想收嘅可變形遙控車,另外有英文兒童書畀細孖Kyson。
另外,出名愛車嘅林志穎話,如果畀佢揀車或者錶做聖誕禮物,佢寧願揀錶,因為錶可以日日戴同欣賞,又唔使特登走落地庫睇。佢仲自爆係衝動型購物嘅人,見到任何同超跑聯名嘅錶款,佢都會有興趣,更想立刻擁有。

(資料來源:網上截圖/連結)