【循酒駕方向調查】與志偉座駕相撞 港警高層李志恒手術後手腳已可郁動

65歲嘅曾志偉前日喺北海道旅行時,佢自駕遊載住化妝師Vanus,但咁啱喺北海道余市嘅赤井川村,同警務處刑事及保安處處長李志恒同家人乘坐嘅七人車喺風雪中迎頭相撞,李志恒跟同車六人同告受傷,其中李志恒更傷及頸椎,需要動手術,其後指下身麻痹,曾志偉跟同車女伴就好彩冇事。現場消息指開車嘅曾志偉曾經飲酒,並要接受酒精呼氣測試,余市警察署正調查係咪因為有人酒後駕駛導致意外發生,不過拒絕透露酒精測試結果。
據知,李志恒做咗手術,手腳可以郁動,並能進食。警隊內部通訊證實李志恒及同行人士都係冇性命危險,正喺當地醫院留院接受治療。

(資料來源:網上截圖/連結)