【同方媛十指緊扣】眼大大好得意 郭富城首帶囡囡現身馬場

53歲郭富城舊年同方媛結婚後,老婆為佢生下囡囡Chantelle,到最近佢太太又有咗第二胎,可喜可賀。一直以嚟,城城從未試過一家三口出席公開活動,不過今日城城隻新馬「舞士精神」首次出賽,城城大為重視,今日就帶埋老婆同囡囡一齊去沙田馬場撐場。
城城同方媛戴住黑超十指緊扣到馬場,見到記者時笑笑口揮手,問佢有冇信心時,佢話:「平常心。」至於佢哋囡囡,就由工人姐姐抱住入場,工人姐姐都着咗件紅色外套,唔知係咪特登要旺吓城城?
城城入馬場其間發生小插曲,話說有位馬迷上前叫郭富城影相,點知叫錯咗「Leon」(黎明),馬迷話:「Leon,可唔可以影張相?」城城就回應話:「我叫Aaron。」

(資料來源:網上截圖/連結)