【林嶺東離世】周潤發憑《龍虎風雲》奪影帝 林太:多謝關心!

0
123

金像獎導演林嶺東今日在家中猝逝,終年63歲,消息震驚娛樂圈。
林嶺東於80年代憑《風雲》系列電影成名,87年他憑電影《龍虎風雲》奪香港電影金像獎最佳導演,而周潤發則憑這部電影奪影帝。對於林嶺東突然撒手人寰,發嫂接受傳媒電話訪問愕然表示:「做乜咁突然!佢同發哥30幾年友情,情如手足,從未聽過佢有乜病,老公成日話阿東係好導演,要求超高,稍一不留神真係命都冇,對佢真係又愛又恨!老公剛開完工睡了,明天同佢講,免得佢知道後就瞓唔到,聽日又要做嘢!」
原來林嶺東最初入行是考入無綫藝員訓練班,跟發哥是同一屆學員,兩人識於微時,交情深厚,當年發哥接拍《監獄風雲2》,其中有場落水戲,發哥幾乎被海水沖落海,險象環生,當時發哥曾戲言,鬧林嶺東拍戲收買人命!
而林嶺東生前接受訪問,談到有否興趣轉到幕前?他笑說:「我威嘅時候你唔知,我第3期出嚟就做男主角,嗰陣周潤發都係企側邊,好彩我退出咋,我唔知道撈演員咁好搵,如果唔係我老虎都捱落去啦,片酬又高,做乜鬼導演吖!」林太晚上回覆蘋果表示:「多謝關心!我冇嘢可以講,請畀多啲空間我同屋企人!」劉青雲回覆傳媒時表示事件發生得太突然,未就事件回應。
今日下午4時許,馬鞍山帝琴灣凱琴居一名女子報案,指其63歲姓林丈夫倒卧床上。救護員接報到場,證實林嶺東已氣絕身亡。警方經初步調查,相信事件沒有可疑,死因有待驗屍後確定。

(資料來源:網上截圖/連結)

LEAVE A REPLY

Please enter your comment!
Please enter your name here