馬國明出口術 希望可以同黃心穎拍廣告

0
153
馬國明同黃心穎今晚喺電視城出席活動,話晒今晚有唔少廣告商喺現場,心穎當然性感上陣,馬明仲話好想同心穎拍廣告,乜嘢類型都冇問題!
馬明今年參與咗《白色強人》同《C9特工》兩套劇,似乎比舊年多咗一套,馬明話:「其實喺明年1月仲會拍《降魔的2》,我自己都好期待,監製同編審籌備第一輯嘅時候,已經諗埋第二輯。」
最近馬明終於開咗個微博,連女友黃心穎都覺得好驚奇,馬明話:「啱啱開始啫,其實喺大陸宣傳係好緊要,慢慢熟習吓,其實之前都有同經理人傾過,佢都覺得係時候去做。」心穎笑住問點解唔開埋ig,馬明就話:「咁我呢方面蠢啲,逐步逐步嚟喇。」
有3套劇喺手嘅張振朗,雖然每日只得幾個鐘休息,不過佢話:「難得公司俾咁多機會我,其他人出晒去搵錢,我哋咪留低拍劇囉。」佢仲話喺舊年已經續咗約,年期仲有一段時間。


(資料來源:網上截圖/連結)

LEAVE A REPLY

Please enter your comment!
Please enter your name here