大陸加稅擱置重拍《賭神傳》

麥長青,吳國敬,范振鋒,李思欣、中國兄弟娛樂文化向展邦,向展威等,日前一齊參加「樂善營」於大潭舉辦嘅第十一屆大型慈善親子營。「樂善營」係註冊非牟利團體,致力推廣公開性環保野營及遠足旅行康體活動,范振鋒係宣傳大使,向展邦兄弟同佢老友,所以都嚟撐場。
原本過咗出年農曆年,向展邦想翻拍《賭神傳》完咗13叔向華勝嘅心願,因佢阿叔一直想重拍賭神》,不過依家受到大陸稅制影響,好多內地工作人員都堅持片酬係稅後,即係稅要電影公司俾,搞到佢都唔敢開住。向展邦話:「o依家內地稅加到42%,如果所有演員同工作人員嘅稅款都要投資方去俾,根本冇可能,成本會增加好多,既然大家未得到共識,部戲我哋會先擱置,等勞資雙方得到一個共識再算。」


(資料來源:網上截圖/連結)