【有片】三車連環相撞唐詩詠夾中間

今晚約10時,37歲嘅唐詩詠駕駛座駕途經觀塘,在apm對出嘅觀塘道發生三車連環相撞交通意外,據現場目擊人士透露,事發時有名女子突然由欄杆跳出馬路,由於當時馬路上交通繁忙,幸而唐詩詠前面嘅車輛趕及緊急煞車,並冇撞到衝出馬路嘅女子,不過,第二架車嘅唐詩詠煞掣不及,結果撞向前面座駕,唐詩詠嘅座駕車頭被撞凹了,而在佢後面嘅第三架車,亦因收掣不及撞花車身,幸好事件冇人受傷。
有途人目擊意外發生報警,傳媒在現場見到唐詩詠在意外發生後,表現驚慌,呆坐車內一會兒後落車視察情況,見佢拍晒心口,驚魂未定,記者即上前慰問有冇受傷,唐詩詠說:「冇事!冇事!」並跟其他兩位車主商討情況。由於現場頗大風,唐詩詠一頭長髮被吹起,搞到「頭髮亂了」。警察到場後,分別為唐詩詠等人「吹波波」做酒精呼氣測試。
事後問番唐詩詠,佢講番事發經過:「就係我哋行緊嘅時候,突然間前面有個女人衝出嚟,我隱約見到唔知係唔係嘅時候,開始dup車嘅時候就dup唔切,咁我哋就3車撞咗。(車頭撞毀嚴唔嚴重?)都…算啩!少少凹咗。」問到佢驚唔驚?唐詩詠手按心口、驚魂未定咁話:「好驚!我好驚係個女人…係我架車撞到前面嗰架,我驚隔籬嗰啲撞到佢,好驚呀!因為我係第一次咁樣撞車咋,即係有個人衝出嚟咁樣。」
唐詩詠又話,已經settle咗啲嘢,佢苦笑住表示:「都已經settle咗啲,好彩我唔係第一架車,如果唔係我諗我會嚇死。」

https://www.youtube.com/watch?v=LvASAsMLgQI
(資料來源:網上截圖/連結)