【Happy gals talk】千雪BB領軍「2LINE黨」飯局

仲記唔記得「2LINE黨」?成員包括朱千雪、同屆港姐岑杏賢同湯洛雯,加埋蔣家旻同張嘉兒組成,話係前年千雪BB喺主演劇集《EU超時任務》後,聯同幾位好姊妹組成,當年佢哋仲有約食飯傾大計。
之但係,千雪BB家陣又要顧進修,張嘉兒囡囡都兩歲大,幾位都已經各有發展,要齊腳食飯實在唔容易。不過,皇天王負有心人,冇約唔成嘅約會嘅,睇你有幾想約㗎啫,今晚就見幾位「2LINE黨」嘅成員喺社交網貼相,晒飯局合照,原來今次係要預祝張嘉兒嚟緊18號嘅35歲生日,兼補祝蔣家旻喺今個月10號嘅29歲生日。
兩位壽星喺蛋糕前雙手合十許願,其中張嘉兒話要許願:「My wish is for our friendship to last and we’d be good friends forever.(我的願望是我們友誼永固和我們求遠都是好朋友。)」而蔣家旻亦有表示,話感謝班姊妹陪伴。至於千雪BB以語留言話好難先約到咁齊人,不過因為佢哋傾得太興奮,搞到佢返屋企時聲沙沙。

(資料來源:網上截圖/連結)