【最想擁有男星面孔】竹野內豐越熟越有型 迫走國民男友封No.1

Oricon公佈由日本男士選出嘅「第10屆最想擁有男星面孔」排行榜,47歲男星竹野內豐由去年亞軍升至冠軍,把去年排榜首嘅「國民男友」竹內涼真迫落亞軍。
竹野內豐係90年代型男Icon,由男模成功轉型為演員,憑《悠長假期》、《沙灘小子》、《冰之世界》等日劇深受亞洲觀眾支持,而今年佢夥拍綾瀨遙嘅人氣劇《繼母與女兒的藍調》亦大受歡迎,獲廣大觀眾稱讚中年後更添男人味,可謂越熟越有魅力,繼而成為今次選舉得票最多男星。至於其餘十大男星,順序為妻夫木聰、藤岡靛、稻葉浩志、福士蒼汰、西島秀俊、佐藤健、木村拓哉及山崎賢人。另外,福山雅治已經5度登頂,成為呢個選舉嘅殿堂。

(資料來源:網上截圖/連結)