【有片】孫耀威演唱會2018 坎坷人生經歷起跌勇敢站起

孫耀威(Eric)噚晚喺九展舉行《孫耀威演唱會2018》頭場,除咗老婆陳美詩支持之外,王祖藍、李亞男同爸爸媽媽、鄺文珣、車婉婉、童愛玲、王君馨與老公等都有支持。
演唱會準時喺8點半開始,老孫唱到11點3先完騷,一身白馬王子look嘅老孫,以《Amazing Grace》、《飛》同《仍然喜歡你》等歌曲打頭陣,之後先用鋼琴同結他自彈自唱,但原來呢支結他背後係有個故事:「係個fans送俾我,不過過咗幾日佢遇上交通意外走咗,人生真係好無常,要好好珍惜!」
老孫當然仲有唱同Macy嗰首結婚主題曲,之後仲有一part快歌,先同與Dancers踩住Roller鞋喺台邊向觀眾席繞場一周,跟住再返上台跳舞!去到演唱會嘅尾聲,老孫二度encore,佢話:「多謝身邊好多人,今日好開心,係一個好好嘅團聚,頭先唱好多歌,有啲係台灣唱片公司,亦有啲係香港嘅公司,但係好開心大家都有代表出席,我覺得自己好幸福,一路都有有咁多人錫我,就算大家睇啲報道,有人覺我好坎坷,有咁多起起跌跌,不過今日聽到大家尖叫聲,我已經覺得好開心。」
之後佢仲忍唔住自嘲:「冇諗過之前話開演唱會,講到o依家先開到,好彩大家都健在。我呢個人係好得意,就算行到好遠,去咗做生意或者拍劇,不過都會返嚟俾驚喜你。」最後老孫喊住同fans躹躬,仲一度喊到收唔到聲,結果全場同佢一齊唱。」

(資料來源:網上截圖/連結)