1歲囡囡準備上紅館跳舞 [email protected] Jane計劃明年追多個新成員

樂隊Dear Jane、王灝兒(JW)、何雁詩等噚晚喺粉嶺出席禁毒活動,Dear Jane將於明年3月16日喺紅館開一場演唱會,1月賣飛,希望加場。
結他手Howie話會拎晒所有歌酬出嚟請靚女Model一齊合作,但已婚嘅主音Tim就話要諗諗,佢話﹕「都要睇個女(1歲Tanya)飲幾多奶,佢飲少啲就可以貢獻番出嚟,唔得就叫個女上去跳舞,佢o依家識『un吓un吓』同踢腳,跟住就會好開心咁笑。」Tim早前搬千呎大屋,被老婆楊洛婷投訴唔幫手執嘢,Tim話自己太忙話:「佢最清楚自己同個女啲嘢,我嗰啲亂執都冇所謂。但最搞笑都係阿女最叻搗蛋,執好嗰箱,轉頭又拎番出嚟,好好笑。」
Tim透露日前搬完屋就同老婆食飯慶祝求婚紀念日,稍後再慶祝結婚周年,佢話:「其實都係搵個日子過二人世界。造人?自己都想呀!」但其他隊友就制止,笑言:「唔畀佢放假,因為明年想出多啲歌,去日本同加拿大拍埋MV就最好。」

(資料來源:網上截圖/連結)