【有片】被數臭四宗罪欺凌內地女演員 高潮女Seasun絕地反擊

三級片《有罪》女主角王家淇大爆拍戲時,成日畀高潮女Seasun(鄧思宸)欺壓,日前爆喊狂數Seasun四宗罪,指控佢搶T-back、講嘢有骨、搵替身露點同開工扭計,喪NG影響流程。一直成為風頭躉嘅Seasun,卻反控王家淇借佢炒作新聞,兩女互數變成羅生門。
有傳Seasun現場扭計唔肯露點,結果導演為平息就搵替身,王家淇都強調全套片只有佢全祼露三點出鏡,Seasun就堅稱佢都有全祼露點,否認搵替身代露點:「替身?邊有替身呢樣嘢?替身幾貴呀,我哋原本都好perfect,點解要替身?」對於喺片場扮大牌,Seasun話:「耍大牌唔係一個問題,就算係演員都有脾氣㗎,有啲人就會誤以為演員發脾氣,就係喺度耍大牌,其實係誤解咗。人嘛,好難冇脾氣。人非聖賢,孰能無過,發吓小脾氣好正常,明星都係普通人!」
咁搶王家淇T-back?Seasun反斥:「變態咩,搶佢T-back。」其實兩女關係如何?Seasun呢頭講完大家都幾好,轉頭改口指王家淇借佢炒作:「佢肯定造新聞,炒作,肯定借我抽水,套戲上咗好多是非,幾件事拼成故仔,有造新聞嫌疑,我本身香港出嚟,多數人識我,佢係大陸演員,來香港拍戲梗係好多挑戰。」王家淇落閘抗拒再同Seasun合作,Seasun就冇佢咁激動:「冇所謂,增加娛樂性,越多越好,我哋(拍戲時)又唔係成日見面,我點蝦佢,佢年紀大過我,又成日包場,佢有錢過我,我窮過佢,蝦唔到佢。」不過Seasun高調做晒業主都呻窮?Seasun寸嘴:「話唔定佢有飛機呢!」
https://www.youtube.com/watch?v=s8XA6R91ppo
https://www.youtube.com/watch?v=IBHRLKwuCC4
(資料來源:網上截圖/連結)