【一顆想嫁的心】已經睇定婚紗裙褂 鄧麗欣開工順便拿折扣

1
121

鄧麗欣(Stephy)、朱栢康、岑珈其同麥子樂今日喺中環碼頭為為新戲《金都》開鏡,Stephy話今次係自己第二次拍攝政府資助嘅「首部劇情電影計劃」,佢話:「同平時電影都幾唔同,製作budget有限,成班後生仔都好有心,不計較付出,令我都覺得好熱血、青春。」
電影中佢飾演一名喺太子金都商場工作嘅女仔:「我係一名婚紗舖返工嘅女仔,本身準備同男朋友朱栢康結婚,但俾佢發現我曾經假結婚,所以就講我哋點處理段關係,係好地道嘅港產愛情故事,我拍前好少去呢個地方。」為了解故事,Stephy話之前已實地考察,大讚環境好:「全部一條龍服務搞掂晒,都有朋友喺個度搞結婚嘅嘢,婚紗、影婚紗相,乜都有,好齊全,成個商場都係婚宴準備。」
咁將來自己結婚都可以帶埋男友邱勝翊(王子)落去睇吓?佢笑言:「唔錯喎,一站式幾方便,一日搞掂晒,同埋o依家趁拍嘢同鋪頭啲人相熟啲可以攞折,拍戲得閒就喺側邊望下,好似拍戲我要着裙褂,之前少接觸中式,係第一次着裙褂,原來都幾靚。」

(資料來源:網上截圖/連結)

1 COMMENT

LEAVE A REPLY

Please enter your comment!
Please enter your name here