【仲有半個月就開騷】唔想失禮早有準備 胡鴻鈞:點解要除衫?

0
118

胡鴻鈞、洪卓立同曾樂彤今日喺旺角出席一個安全獎勵計劃頒獎禮,胡鴻鈞話好鍾意食,但自認冇生意頭腦兼冇錢,所以都係專注幕前工作好啲。講到佢喺下個月9日假會展開處男騷,佢話:「今次係入行首個音樂會,唔想失禮,一早已揀定嘉賓同歌單。」問到會唔會除衫騷肌?佢話:「點解開騷就要除衫?雖然我唔介意,但要條件好啲先考慮。」
至於洪卓立就話一直想做飲食生意,兩年前曾有朋友提議夾份喺台灣開串燒店,不過工作太忙擱置咗:「最想開居酒屋,等退休後有啲嘢搞,都有物色緊地方,算命師傅話我30歲前唔適合做生意,之前做電競生意遇人不淑,所以覺得做生意要夾啱人。」

(資料來源:網上截圖/連結)

LEAVE A REPLY

Please enter your comment!
Please enter your name here