自爆鍾意聽囡囡唱歌 楊冪唔認係工作狂

楊冪同劉愷威近年一直因為聚少離多而不時傳話出婚變,以往兩人生日,佢哋例必會喺微博傳情兼放閃,不過今年就齊齊「冇影」,加上佢哋兩人一向亦好少提及私人事,搞到又再被揣測佢倆o依家嘅婚姻關係。
最近,楊冪終於開腔講屋企,佢接受大陸雜誌訪問嗰陣,就提到囡囡小糯米特別鍾意唱英文歌畀自己聽,而佢每次聽到小糯米咁可愛嘅歌聲嗰陣,就會覺得好Warm。而對外界認為佢係一個只顧做嘢而忽略屋企嘅人時,楊冪雖然反駁話自己嘅人生,其實工作同生活各佔一半,但就同時表示工作係必需要做嘅事。
而楊冪又話如果19年,元旦若然冇嘢做的話,就會返屋企同屋企人跨年,不過佢又話自己都唔知工作上係點安排。

(資料來源:網上截圖/連結)