【史上第三人】微博粉絲破億 楊冪:感恩一路陪伴的每一個你

無論係咩國籍,要喺大陸搵食,用微博是常識吧?微博粉絲數閒閒地過百萬都只係小菜一碟,破億就真係叻喇!
繼著名主持人謝娜同何靈後,楊冪成為第3位微博粉絲數破億嘅明星!實在好值得恭喜!
楊冪都好識做,貼咗幾張單人照,留咗句言:「感恩一路陪伴的每一個你」,短短兩個幾鐘,已經有近3.8萬次轉發,2萬幾個留言,仲有13.8萬次讚好,真係好厲害吓。
唔好嫌楊冪留言少呀,可能佢本身都唔多講嘢,單係睇佢今年9月,千里迢迢去到多倫多電影節,出席新戲《寶目兒》全球首映會,全程都只係講咗一個「Hi」字,真係字字值千金,咁大家可以計吓今次個留言值幾多錢……
雖然楊冪老公劉愷威同囡囡小糯米仍然「被失蹤」,但睇番楊冪微博入面嘅粉絲,劉愷威仲係榜上有名,即係話嗰句「感恩一路陪伴的每一個你」可能有老公份,人家低調啲啫……可能。

(資料來源:網上截圖/連結)