【恭喜】結婚2周年前夕 岑麗香Ig宣佈陀B

仲記得早幾日,岑麗香出席活動嗰陣,着住低胸透視裙嘅佢,上圍升cup加上肚仔微隆,孕味十足,不過當大家問佢係咪有喜事要宣佈嘅時候,佢就解釋只係條裙嘅剪裁問題,仲話:「總之適當嘅時候會講,畀少少時間我,我哋努力中。」
事隔唔夠3日,話咁快,今日就係香香口中嘅適當時候喇!
今晚7點左右,香香喺自己嘅ig入面上載咗張佢挨住老公強強Joushua嘅相,重點係,佢哋兩個攞住一件BB衫!然後寫住「B-a-b-y coming 2019!」,相內嘅香香同老公都笑好sweet,淨睇張相都feel到佢哋有幾開心,而網民得知香香有BB後,都好戥佢哋開心,紛紛留言講恭喜!

(資料來源:網上截圖/連結)