【父母同機】孫安佐啟程返台灣 一世不得入美國境內

台灣藝人狄鶯同孫鵬嘅18歲仔孫安佐,今年3月26號喺美國因為持武、涉恐攻遭逮,今年6月出庭承認犯下恐攻,但呢單案被升級至聯邦等級,遭聯邦政府起訴「非美國公民持武罪」。8月嘅時候孫安佐出庭認罪,賓州東區聯邦地區法院11月20日判決佢刑滿獲釋,遣返台灣,今朝一早佢就喺美國華盛頓機場啟程返台灣,今次都係佢最後一次踏足美國領土。
孫安佐今日有兩個美國移民官員陪同,全程戴上手銬,飛機嘅坐位由機長決定,通常會喺最後一排,孫鵬、狄鶯都喺同一班機,但唔可以同個仔交談,而今次佢哋坐美國聯合航空公司嘅機返台灣,係因為飛機上嘅空間仍屬美國延伸領土,檢方將會指揮刑事局到飛機空橋處守候,等孫安佐嘅班機一落地,刑事局國際科、偵四大隊第一隊將派員喺桃園機場接機,喺飛機口同美方人員交接,之後台灣警員會帶著孫安佐通關入境,直送士林地檢署接受複訊,檢察官將會依照複訊結果決定是否諭令聲押、交保或限制出境、住居等強制處分。
孫安佐返台灣之後,孫鵬已請基隆崇右影藝科技大學協助,安排佢喺出年年下學期「隨班附讀」,到崇右大學旁聽,並由表演藝術學院舒宗浩院長親自輔導。

(資料來源:網上截圖/連結)