【男星疑性侵】高雲翔改保釋條件 獲准取回2歲女兒護照

大陸男星高雲翔,今年3月喺澳洲涉嫌性侵案,雖然已獲保釋,但佢嘅家人包括老婆、女星董璇同女兒「小酒窩」等,必須暫時留喺澳洲。早前佢老婆董璇已獲准取回護照,可以往返大陸同澳洲。據台灣傳媒報道,指高雲翔今日出庭,請求改變保釋條件,目的係想取回2歲女兒小酒窩嘅護照,獲法官批准。
早前高雲翔獲當地法院撤銷第1同第2項控罪,分別為結夥嚴重性侵和結夥嚴重性侵致實際身體傷害,但控方會喺地區法院初審起訴其第3至9項罪名,控罪為結夥嚴重猥褻及結夥嚴重性侵並剝奪受害者自由等,法官將於明年1月25日宣佈最終控罪,而喺最終控罪宣佈前,罪名仍有可能調整或更改。
至於案中與高雲翔一同被控嘅男子王晶,之前曾申請保釋失敗,其律師今將會再向法官提出保釋申請,而王晶嘅父母願意留喺澳洲,接受每日早上9點至下午5點家中禁足、不得接近機場及港口等,同高雲翔保釋條件相似。
而今日庭上播放事發當晚卡啦ok同酒店嘅CCTV錄像,片中顯示王晶與受害人,有親吻、拖手舉動,但未見有反抗,而受害人離開酒店時,亦唔似有喊過。

(資料來源:網上截圖/連結)