【稅務風波】年底前要完成補稅 傳楊冪黃曉明補交5億稅款

范冰冰因逃稅而被稅務部門調查,向她追繳稅款及罰款共8.8億元人民幣,而稅務總局同時通報,影視行業工作者喺今年12月31日前,主動向稅務機關補交稅就唔會再追究之前嘅逃稅啦!所以呢輪好多藝人都乖乖自動交錢,補交稅項務求甩身自保。
鄧超同孫儷兩公婆雖然交咗2.5億人民幣稅款,但稅局話數目未夠,要佢哋多補1.5億人民幣,合共4億人民幣。而黃曉明個人就要交5億人民幣,老婆Baby(楊穎)個人都要交2億人民幣;吳京之前自動交2億人民幣,但稅局話唔夠,結果要佢再補2億人民幣。台灣最搵錢嘅藝人陳喬恩同霍建華,分別都補咗億幾稅,至於楊冪都要交成5億幾人民幣嘅稅,而馮小剛都補交咗成6億人民幣。
今次影視圈呢個稅務風波,可以為大陸庫務最少帶來過千億收入,不過對大陸政府又唔係乜嘢錢,習大大捐俾非洲都600億美金啦!不過近幾年藝人搵咁多,卻用盡方法瞞稅,政府係覺得要整頓下,所以先會出招。

(資料來源:網上截圖/連結)