馬明為頒獎禮練定天然呆 黃心穎甜笑:係天生嘅

馬國明同黃心穎憑住《深宮計》攞到人氣電視劇集,問到係唔係覺得好抵,因為除咗攞到獎仲攞埋個人,心穎就即話:「希望星期日再下一城,其實最值得攞獎係我哋嘅團隊。」
問到馬明有冇諗過拉吓票,佢就話:「拉票係冇用,其實套劇出街嘅時候,佢哋鍾意就鍾意,唔鍾意你企佢哋屋企嗌都冇用,佢哋仲話你嘈,投咗都取消啊。」問到視帝又會唔會拉票,佢即刻話好似唔關佢事,咁使唔使練吓個天然呆嘅表情,心穎即時話:「佢唔使練,係天生嘅。」馬明就話:「我真係諗緊啲無謂嘢,例如部車會唔會抄牌,聽日返幾點咁。」
講到拍拖會唔會天然呆,心穎即話:「你夠膽?其實佢平時都係咁。」馬明就話:「其實佢好聰明,講嘢我要諗吓先,怕會會錯意。」

(資料來源:網上截圖/連結)