【同張敬軒爭人氣票王】輸贏唔在乎 姜濤緊張MIRROR多過自己

姜濤今日同MIRROR成員及《全民造星》監製花姐,一齊到尖沙嘴出席頒獎禮,而《全民造星》得到人氣綜藝節目獎之餘,姜濤更同張敬軒爭「人氣票王」一獎,雖然兩人票數一直叮噹馬頭,但最後獎項就由軒仔獲得,姜濤話:「我冇諗過自己第二,都冇乜點留意呢啲投票嘅嘢,關心團隊嘅嘢多啲,不過作為新人有人注意都好開心,其實我完全唔care,反而我最開心嘅係張敬軒先生記得我。」
提到張敬軒之前出口術拉票,佢就話:「我淨係覺得好開心。」問到見過軒仔未?佢話:「未見過佢,仲諗緊一陣點同佢講嘢,(第一句諗住講乜?)你好。」至於會唔會問軒仔攞電話?佢就話:「可以就好喇,我試吓!」對於MIRROR喺叱咤嘅成績好好,姜濤話:「係呀,我比自己得到嘅(成績)更開心,畀人知道我哋真係唔容易,希望嚟緊更加多人認識我哋。」

(資料來源:網上截圖/連結)