TVB臨時演員「志叔」寒夜猝死尖東海傍長凳

尖東麼地道尖沙嘴中心對開海傍,早上9時49分,管理員巡經發現,一名男子睡在長凳上,拍喚無反應,於是報警求助。救護員到場經檢驗,證實該名64歲男子已告不治。

警員在死者身上尋獲證件,聯絡到他的一名女親屬到場協查。消息稱,死者劉何志(64歲),綽號志叔,他曾做過幾份散工過活,包括任職食肆,最近正擔任TVB的臨時演員,但近月他無家可歸常露宿街頭,並不時在尖東海傍的長凳睡覺及休息,據悉是因喜愛上址交通方便及不會遭人驅趕。

昨晚約九時,據悉任臨時演員的志叔按TVB的通告,前往一間酒樓參與劇集《極度怪咖》的拍攝工作包括扮演茶客,直至凌晨約4時才收工,他其後前往尖沙海傍的長凳休息,但今日清晨天氣寒冷,清晨尖沙嘴最低溫度為13.7°C,其後他被途人發現猝死於長凳上。警方調查後相信劉氏之死無可疑,惟死因有待驗屍確定。

有朋友表示,志叔為人和善及有義氣,也甚有風度,例如接拍劇通告及吃飯時,也會禮讓女士先拿飯,故對他猝死感到突然及難過。據悉,志叔亦曾參與TVB劇集《愛●回家之開心速遞》的拍攝工作,但經濟拮据,近月已失去固定寓所,不時露宿,他的死訊傳出後,有朋友指會合力協助辦志叔的後事。

張振朗昨晚有份開工拍攝劇集《極度怪咖》,他接受傳媒查詢時表示:「噚晚我喺尖沙嘴一間食肆拍攝,同場有王浩信、賴慰玲,仲有差唔多60位臨時演員扮食客同侍應,因為太多人,我對佢冇印象,唔知佢係咪有份拍呢場戲,我哋7點開始拍,大約拍到10點幾收工。」

張振朗指昨晚那場戲拍攝過程不算辛苦:「不過而家天氣凍,做呢行瞓得少,身體唔舒服要小心,希望佢安息!」另外,王浩信亦表示,對死者深表同情及哀悼。

臨記公司老闆劉文俊:佢打幾份工又真係好辛苦
劉文俊,他表示曾經有跟劉何志合作,但跟他不熟絡,不記得是哪一部劇。問劉文俊可知劉何志屬哪間臨記公司旗下時,他說:「啲臨記唔會跟死一間公司,臨記公司都唔會養住一班人,啲臨記多數都係做散工,當有劇或者有電影有工開嘅時候,臨記公司就會叫啲領班搵人。而家幫電視台做臨記每個鐘都係得$34.5,呢個數係臨記公司畀啲臨記,呢個係最低工資,人工係低過做麥當勞或者係樓面侍應,而家拍電視劇通常會有底鐘,大概五個鐘起碼,臨記公司包你底鐘,就算你開工開兩個鐘都會畀五個鐘頭錢,電影好啲,底鐘起碼有七個鐘。」

劉文俊估計劉何志可能是凍死,他慨嘆做臨時演員很慘:「香港物價咁高,就算畀臨時演員開足10個鐘都係得三百幾蚊一日,仲要食飯同搭車,扣扣埋埋你話點生活?仲要係臨記收入唔固定,今日開完工唔知幾時又有下次開工, 加上60幾歲呢個年紀演出又係窄咗,佢(劉何志)打幾份工又真係好辛苦。」