傳因內地記者喺香港機場被包圍 內地新限令禁拍「記者臥底」題材

中國廣電總局嘅制度真係轉得好快,真係跟少幾日可能睇左禁劇都唔知。由之前實施嘅就有「限薪令」、「限娘令」及「限童令」等之後,今年今年年頭又推出「限古令」,即係港人熟識嘅《後宮甄嬛傳》、《延禧攻略》及《如懿傳》全部都禁播。唔睇宮廷鬥爭戲,以為睇偶像劇就冇事?咁你就錯啦!上月底連偶像劇都禁播埋。好啦!即係迫我睇全中國人都鍾意,由吳京自導自演,內地票房突破50億嘅《戰狼》系列啦!唔好意思,日前內地影視公司「恒生影業」就喺社交網站出PO,寫上:「日前參與中國廣電局培訓人士表示:現在不支持境外涉案題材,以退伍軍人、僱傭兵、記者臥底等身份進入境外採訪破案偵查等都不行。一來國內警察不能在境外辦案,二來就對中國形象不好,有中國威脅論,世界警察的說法。請編劇們注意!」

有傳話係因為《環球時報》記者付國豪事件有關?

咩都唔睇得咁點啊?中國廣電總局當然有考慮咩劇先對市民有益身心,推出多達86部「愛國」劇,例如有《可愛的中國》、《人民總理周恩來》、《你好,檢察官》、《我在北京等你》及《我愛你,祖國》等等,慶祝新中國成立70週年。內地市民今個國慶期間大把劇可以睇啦!

《人民總理周恩來》

查看相片

《人民總理周恩來》
《我在北京等你》

查看相片

《我在北京等你》