隨着反送中運動持續升溫，鄰近香港浸會大學嘅駐港解放軍軍營喺10月頭開始增設監控鏡頭，肉眼可見已經有10幾個豎立喺往返校園路附近。
錢大康喺星期一（14號）「與管理層心靈對話會」上，突然透露會增加監控鏡頭，除咗要保障學生安全，更加要防止有人喺教學樓擲物至鄰近嘅解放軍軍營。佢又聲稱，有唔少大陸學生同佢反映，擔心喺校園嘅人身安全，因為多咗好多著黑衫嘅人出入，希望增加保安人手。佢昨日用電郵公布校園新保安措施，如邀請「外人」審視校園潛在危險。
同學表示，除咗喺聯福道、禧福道同聯合道，即同學來往浸大校園嘅主要通道設有監控鏡頭外，軍營鐵絲網後亦多咗軍人駐守，監視路過同學嘅一舉一動。
錢大康電郵全文及相關報道：https://gongjyuhok.hk/articles/3350
沿聯合道每20米就有一個監控鏡頭。
